(ក្រចេះ )÷តាមប្រភពពី ប្រជាពលរដ្ឋ រស់នៅភូមិព្រែកពពេល ឃុំសោក ស្រុកព្រែកប្រសព្វ ថាមិនធម្មតាមែនឈ្មោះ ខ្លូ នឹង ឈ្មោះ សាន់ ជាម្ចាស់ទីតាំងសង្វៀនបញ្ជល់មាន់ នឹងអាប៉ោង លេងល្បែងសីុសង ខុសច្បាប់ ហ៊ានប្រឆាំងការណែនាំ នូវវិធានការណ៍ របស់ក្រសួងសុខាភិបាល និង អានុសាសន៍ដ៍ខ្ពង់ខ្ពស់របស់ សម្ដេចតេជោ ហ៊ុន សែន បីកុំ បីការពារ ហាមឃាត់មិន អោយមានការជួបជុំគ្នា !
ដើម្បីទប់ស្កាត់ជំងឺ កូវីដ១៩ ដ៍កាចសាហាវអោយមានប្រសិទ្ធភាព ផ្ទុយទៅវិញ បនល្បែងមួយកន្លែងនេះ បែរជា បណ្តោយ ពលរដ្ឋនាំគ្នាចូលទៅលេង យ៉ាងពពាក់ពពូន ជាប្រចាំរាល់ថ្ងៃ នៅចំណុចភ្នំប្រឡាយ ស្ថិតនៅភូមិព្រែកពពេល ឃុំសោក ស្រុកព្រែកប្រសព្វ ខេត្តក្រចេះ អាជ្ញាធរមានសមត្ថកិច្ច ក្នុងមូលដ្ឋាន មិនហ៊ានចុះបង្ក្រាប ឬមួយសម្ងំទទួល ផលប្រយោជន៍ ពីម្ចាស់បនល្បែងនោះទេដឹង។
ជាក់ស្ដែងនៅ រសៀលថ្ងៃ ទី២១ ខែមេសា ឆ្នាំ២០២១-ប្រជាពលរដ្ឋ ក្នុងភូមិព្រែកពពេលឃុំសោក ស្រុកព្រែកប្រសព្វ បាននាំគ្នា បង្ហើបប្រាប់ភា្នក់ងារ អ្នកសារព័ត៌មាន ក្នងស្រុកអោយដឹងទៀតថា÷ ទីតាំងសង្វៀនបញ្ជល់មាន់ នឹងអាប៉ោង កំពុងដំណើរការ បើកលេងយ៉ាង គគ្រឹកគគ្រេង យូថ្ងៃយូខែ មកហេីយ មិនដែលឃេីញ កម្លាំងសមត្ថកិច្ច អធិការដ្ឋាននគរបាល ស្រុកព្រែកប្រសព្វ ចុះបង្ក្រាប សោះឡើយ បើសិនមានផ្ទុះជំងឺ កូវីដ១៩ ចេញពីវង់ល្បែង សួរថាបុគ្គលណាម្នាក់ចេញមុខ ទទួលខុសត្រូវ។
បច្ចុប្បន្ននេះ យើងគ្រប់គ្នាប្រាកដ ជាបានដឹងយ៉ាងច្បាស់.! ដែលចំណាត់ការ របស់រាជរដ្ឋាភិបាល បំរាមហាម ឃាត់មិនអោយមានការជួបជុំគ្នា ! ដើម្បីទប់ស្កាត់ជំងឺ កូវីដ ១៩- អោយមានប្រសិទ្ធភាព ផ្ទុយទៅវិញ បនល្បែង នៅស្រុកព្រែកប្រសព្វ ខេត្តក្រចេះ មិនដូច ស្រុក.ខេត្ត.ដទៃនោះទេ អាចបើកលេងយ៉ាងពេញបន្ទុក គ្មានសមត្ថកិច្ចពាក់ពន្ធ័ចុះបង្ក្រាប លេង តាមអំពេីចិត្ត។
ក្នុងពេលជំងឺ កូវីដ១៩ កំពុងតែផ្ទុះឆ្លងរីករាលដាល តាមសហគមន៍ ២០គុម្ភះ មូលហេតុអ្វី ? បទល្មើស ល្បែងស៊ីសង មួយកន្លែងនេះ របស់លោកខ្លូ នឹងលោកសាន់មានអំណាចធំ ជាងអាជ្ញាធរ មានសមត្ថកិច្ច ក្នុងមូលដ្ឋានទៅទៀត បានជាហ៊ានផ្គេីនបេីកសង្វៀន បញ្ជាល់មាន់ ដោយសេរី យ៉ាងនេះ ។
ប្រភពបន្តទៀតថា ពីអ្នកចូលទៅលេង ដល់ទីតាំងជល់មាន់ ពួកគេសម្គាល់ឃើញថា ចាក់លុយធំៗណាស់ សម្រាប់គូរពិសេស ភ្នាល់ចាប់ពី.២.លានរៀលទៅដល់៣.ពាន់.ដុល្លារ.ឯណោះក្នុង១គូៗ។
ចំណែកអាប៉ោងវិញ ភ្នាល់ចាក់លុយចាប់ពី.៥០.ម៉ឺនរៀល ទៅដល់. ៣.លានរៀលក្នុង១គ្របៗ ជាពិសេស សង្វៀនលេងល្បែងសីុសងទាំងនោះ មានអ្នកឈរកាង ចាំមើលផ្លូវ បិទអ្នកសារព័ត៌មាន មិនអោយចូល ថតយករូបភាព មានអ្នកខ្លះទៀត ចាំសម្របសម្រួល ដើម្បីអោយ ក្រុមអ្នកញៀន ល្បែងលេង យ៉ាងសុខស្រួល។
ប្រជាពលរដ្ឋ សណូមពរ ដល់ ឯកឧត្តម វ៉ា ថន អភិបាលខេត្តក្រចេះ ជាពិសេស ឧត្តមសេនីយ៍ ទោ លន់ សុផាត ស្នងការដ្ឋាននគរបាល ខេត្តក្រចេះ គួរតែមានវិធានការក្តៅចាត់កម្លាំងក្រោមឱវាទ ចុះមកត្រួតពិនិត្យ នឹងបង្ក្រាប សង្វៀនបញ្ជល់មាន់ និងអាប៉ោង ខុសច្បាប់ ដែលមានម្ចាស់ឈ្មោះខ្លូ នឹងឈ្មោះសាន់ កំពុងបើកលេង ក្នុងភូមិព្រែកពពេល ឃុំសោក ស្រុកព្រែកប្រសព្វ នេះផង ៕
