បើតាមការអះអាង ពីតាកុងឡាន វ័យក្មេងដឹកឈើ ចេញទាំងព្រឹក ពីចំណុច ទីរួមស្រុកឱរ៉ាល់ ឆ្លងកាត់ សាលា ស្រុកឱរ៉ាល់ នឹងស្នាក់ការ រដ្ឋបាលព្រៃឈើ ជាច្រើនកន្លែងឆ្ពោះទៅទីរួមខេត្តកំពង់ស្ពឺ បានយ៉ាងសុខស្រួល ។
គ្មានរំខាន់ដល់សមត្ថកិច្ច ពាក់ពន្ធ័ក្នុងខេត្តកំពង់ស្ពឺ សោះឡើយ ឬមួយទទួលបានផលប្រយោជន៍ ពីឈ្មួញឈើឈ្មោះ ថុង នោះទេដឹង បានជាមិនមានវិធានការចុះបង្ក្រាប បទល្មើសព្រៃឈើ ទុក្ខអោយដឹកទៅលក់តាមអំពេីចិត្ត។
ប្រភពពី តាកុងរថយន្ត ដឹកឈើ របស់មេឈ្មួញឈ្មោះ ថុង បានបង្ហេីបថា សូម្បីតែ សមត្ថកិច្ច ជំនាញរដ្ឋបាលព្រៃឈើ នឹងលោក ជូ សារុន មេបញ្ជាការកងរាជអាវុធហត្ថ ខេត្តកំពង់ស្ពឺ ក៏មិនហ៊ានប៉ះពាល់ រថយន្ត ដឹកឈើ របស់មេឈ្មួញរូបនេះដែរ មិនដឹងថាមានជាប់ពាក់ព័ន្ធផលប្រយោជន៍ យ៉ាងណានោះឡើយ។
ដូច្នេះហើយទើប មេឈ្មួញឈ្មោះ ថុង ព្រមទាំងបក្ខពួកនៅតែអាចធ្វើសកម្មភាពប្រមូលទិញឈើ នៅភូមិសំរោង ឃុំត្រពាំងជោរ ហើយដឹកជញ្ជូនចូលទៅទីរួមស្រុកឱរ៉ាល់ នៅវេលាទៀបភ្លឺយ៉ាងរលូន។
បើនិយាយ ពីប្រធានមន្ទីរកសិកម្មខេត្តកំពង់ស្ពឺ លោក ឈៀង តុលា និងមេរដ្ឋបាលព្រៃឈើខេត្តកំពង់ស្ពឺ មិន ដែល ចាត់វិធានការបង្ក្រាបមេឈ្មួញឈ្មោះ ថុង ទាល់តែសោះ។
ប្រភពពី ប្រជាពលរដ្ឋ ក្នុងភូមិសំរោង ឃុំត្រពាំងជោរ ស្រុកឱរ៉ាល់ បានខ្សឹបអោយ ភ្នាក់ងារ រស្មីឯករាជ្យ អោយដឹងថា រហូតដល់ព្រឹក ថ្ងៃទី១៩ ខែមីនា ឆ្នាំ២០២១ ម្សិលមិញនេះបក្ខពួក របស់មេឈ្មួញឈ្មោះ ថុង នៅតែបន្តសកម្មភាព ប្រមូលទិញឈើឈ្លីក នៅចំណុចប៉ុយរ៉ុយ ភូមិសំរោង យ៉ា ងគឃ្លើនដដែល។
ដោយហេតុថា មន្ត្រីរដ្ឋបាលព្រៃឈើ សមត្ថកិច្ចអាវុធហត្ថនិងមន្ត្រីបរិស្ថាន ក្នុងស្រុកឱរ៉ាល់ មិនហ៊ានប៉ះពាល់មេឈ្មួញឈ្មោះ
ថុង នោះទេ ព្រោះអីឈ្មួញម្នាក់នេះ មានខ្នងបង្អែករឹងមាំ។
បើតាមការបង្ហើបពីប្រភពខ្លះ បានឲ្យដឹងថា មន្ត្រីជំនាញនិងសមត្ថកិច្ចពាក់ព័ន្ធជាច្រើនស្ថាប័នក្នុងខេត្តកំពង់ស្ពឺ សម្ងំទទួលផលប្រយោជន៍ ពីមេឈ្មួញឈ្មោះ ថុង នឹងតាកែស្រីវ័យក្មេង ទើបឈ្មួញពីនាក់ប្តី ប្រពន្ធ នេះហ៊ានបន្តប្រព្រឹត្តបទល្មើសព្រៃឈើយ៉ាងងងើល។
ប្រការនេះ កំពុងធ្វើឲ្យបទបញ្ជា របស់លោក វ៉ី សំណាង អភិបាលខេត្តកំពង់ស្ពឺ ក្នុងការបង្ក្រាប បទល្មើសព្រៃឈើ ក្នុងស្រុកឱរ៉ាល់ ស្រុកភ្នំស្រួច និងស្រុកថ្ពង ក្លាយ ជារឿងឥតន័យ។
ដោយហេតុថា បច្បុប្បន្នមេឈ្មួញឈ្មោះ ថុង នៅតែធ្វើសកម្មភាព ប្រមូលទិញឈើនៅឃុំត្រពាំងជោរ ដឹកជញ្ជូនចូលទីរួម ស្រុកឱរ៉ាល់ ហើយដឹកជញ្ជូន ចេញទៅខេត្តព្រះសីហនុ និងដឹកជញ្ជូនចេញទៅស្រុកយួនតាមអំពើចិត្ត។
