ស្វាយរៀង ÷ បើតាមប្រភពពី អាជីវករ អ្នករកស៊ីដឹកទំនិញបាន រាយការណ៍អោយ (រស្មីឯករាជ្យ ) ដឹងថា មានរថយន្ត ធំៗ និងរថយន្តប្រភេទ សាន់យ៉ុង រម៉កសន្តោង វែង ៗដឹកទំនិញពីស្រុកយួន ចូលមកខ្មែរ យ៉ាងរលូន។
ដូចជា គ្រឿងម្ទេស ,បន្លែ ,ផ្លែឈើ, ពូក, តុ ដែក,ទូ ដែក,កៅអីជ័រ ,កូនរទេះ ដែក,និងសំឡាញ់ដែក,និងទឹកស្ទីង ,មីខ្លាឃ្មុំ ទំនិញផ្សេងៗគ្រប់ប្រភេទ ជារៀង រាល់យប់ ថ្ងៃ គ្មានការទប់ស្កាត់ពីស្ថាប័ន ពាក់ព័ន្ធនៅព្រំដែនបុសមន សោះឡេីយ។
បច្ចុប្បន្នបងប្អូន ពលរដ្ឋ ក្នុងខេត្តស្វាយរៀង ក៍ដូចអាជីវករ មកពីបណ្តាលខេត្តនាៗ បានត្អូញត្អែរ ថាពួកគាត់រកស៊ីដឹកទំនិញសព្វថ្ងៃ បានត្រឹមចិញ្ចឹមសមត្ថកិច្ចពាក់ព័ន្ធ នៅព្រំដែនច្រកទ្វេភាគីបុសមនប៉ុណ្ណោះ។
ចំពោះស្ថាប័នការិយាល័យគយ ច្រកទ្វេភាគីបុស្សមន មេឈ្មួញខ្មែរដឹកទំនិញធំៗក៍ដូចជា អាជីវករ អ្នករកស៊ីដឹកទំនិញតូចតាចបានរៀបរាប់ ទាំងអួលដេីមករថា ក្នុង១ រថយន្តត្រូវអោយពួកគាត់បង់ ចាប់២០មឺុនរៀលទៅដល់៣០មឺុនរៀលជាកំហិត តាមរថយន្តតូចឬធំ។
រីឯប៉ាស៊ីខេត្ត អង្គុយចាំយកលុយ ពីក្រុមឈ្មួញដឹកទំនិញក្នុង១ រថយន្ត៥មឺុនរៀល ទៅ៨មឺុនរៀលតាមដឹកតិចឬច្រើន យ៉ាងសុខស្រួល បើមិនបង់តាមការកំណត់ រថយន្តឬ រម៉កសន្តោងវែង ពិតជាមិនបាន ទៅដល់គោលដៅ ព្រោះថាមេគយបុសមន មន្ត្រីក្រោមឱវាទ មានរថយន្តចាំប្រដេញ ទៅមិនរួចពីព្រំដែននោះទេ។
រឿងអាស្រូវពុករលួយ របស់លោកឃុត សាលីន ល្បីខាងគាបយកលុយ ពីក្រុមឈ្មួញទាំងតូចទាំងធំ មិនគូរ លោកហេង សំបូរ មេគយខេត្តស្វាយរៀង បណ្តោយអោយ ធ្វើអ្វីតាមអំពើចិត្តនោះទេ ព្រោះរឿងនេះមិនអាចបិទបាំងបានឡើយ ត្រូវលាតត្រដាងភាពល្បីល្បាញ នៅទង្វើ លោកឃុត សាលីនមេគយ ច្រកព្រំដែនបុសមន។
ប្រភពពីមន្ត្រី ច្រកទ្វេភាគី ព្រំដែនបុសមន ស្រុករំដួល ខេត្តស្វាយរៀង បានបង្ហើបថា ភាគច្រើន មន្ត្រីគ្រាប់ល្ពៅ នៅតែផ្គើនច្បាប់ របស់ប្រមុខថា្នក់ដឹកនាំ យ៉ាងនេះ រាល់ថ្ងៃស្ថាប័នពាក់ព័ន្ធនៅព្រំដែនបុសមន កំពុងតែប្រព្រឹត្តអំពើមិនគម្បីយកលុយ ចែកគ្នាធ្វើមាន ធ្វើបាន ដាក់លុយក្នុងហោប៉ៅ ធ្វើមិនដឹង មិនលឺលក្ខណះ អំពេីពុករលួយ ជាប្រព័ន្ធ។
មិនដែលគិតពីសុខភាព ប្រជាពលរដ្ឋខ្មែរ រាល់ថ្ងៃ ផលប៉ះពាល់ដូចជា រថយន្ត ដឹកទំនិញ បើក លឿនៗ បង្កហុយធូលីដី ដល់បងប្អូនរស់នៅតាមដងផ្លូវចាប់ ពីព្រំដែនបុសមន ដល់ផ្លូវជាតិលេខ១៣ និងបង្កគ្រោះថ្នាក់ ជាក់ជាមិនខាន់ ដោយសារតែ រថយន្តខ្លះ និងរម៉កខ្លះ ដឹក សំពីងសំពោង មិនគោរពតាមប្រសាសន៍ របស់ សម្តេច តេជោ ហ៊ុន សែន សោះឡេីយ។
ជាក់ស្តែង អ្នកយកព័ត៌មាន បានចុះទៅដល់ នៅព្រឹកថ្ងែទី ១៣ ខែ,មិនាឆ្នាំ,២០២១ចង់ទំនាក់ទំនងទៅ និងប៉ាស៊ីខេត្ត និងកូនចៃគយ របស់លោកឃុត សាលីន បែរជាអ្នកអង្គុយ ខាងមុខស្នាក់ការ ថាអត់ ស្គាល់លេខទូរស័ព្ទទៅវិញ ។
ប្រជាពលរដ្ឋ រស់នៅជិត ព្រំដែនបុសមន និងអាជីវករ សណូមពរ ទៅលោកម៉ែន វិបុល អភិបាលនៃគណះបញ្ជាការឯកភាពខេត្តស្វាយរៀង និងលោកកឹង ឃនស្នងការដ្ឋាននគរបាលខេត្តស្វាយរៀង មេត្តាជួយត្រួតពិនិត្យ និងចាត់វិធានក្តៅដល់មន្ត្រីពាក់ព័ន្ធផងទាន .?
