ត្បូងឃ្មុំ ÷ បើតាមសេចក្តីរាយការណ៏ ពីពលរដ្ឋ រស់នៅ ភូមិទំពាំងបង្កង់ ពីមួយថ្ងៃទៅមួយថ្ងៃ ពួកញៀនល្បែង សុីសងខុសច្បាប់ ដូចជា ប្រជល់មាន់ បៀរ អាប៉ោង កំពុងស្រែកហ៊ោកញ្ជ្រៀវ យ៉ាងសប្បាយ គា្មនរំខានដល់សមត្ថកិច្ចពាក់ព័ន្ធ ក្នុងខេត្តត្បូងឃ្មុំ សោះឡេីយ ។
តាមប្រភព ពីអ្នកចូល ទៅលេងដល់ កន្លែងសង្វៀនជល់មាន់ បានបន្តទៀតថា ក្រុមអ្នកញៀនល្បែង លេងក្នុង ភូមិទំពាំងបង្កង់ ឃុំអំពិលតាពក ស្រុកអូររាំងឪ ខេត្តត្បូងឃ្មុំ កំពុងដំណើរការ បើកលេងភ្នាល់ យ៉ាងគគ្រឹកគ្រេងយ៉ាងពេញបន្ទុក ជាផលប្រយោជន៍ ដល់មន្រ្តីធំៗក្នុងខេត្តត្បូងឃ្មុំ។
ក្រោមក្រសែភ្នែក មហាជន រិះគន់យ៉ាងចាស់ដៃ លើសមត្ថភាព មិនបង្រ្កាប បទល្មើសល្បែងសុីសងខុសច្បាប់ ឬមួយលោក លឿង រដ្ឋា អធិការដ្ឋាននគរបាល ស្រុកអូររាំងឪ ធ្វេីព្រងើយកន្តើយ មិនយកចិត្តទុកដាក់អនុត្តន៍គោលនយោបាយ ភូមិឃុំ មានសវត្ថិភាព របស់រាជរដ្ឋាភិបាល ខណៈអំពើចោរកម្ម អំពើហិង្សាក្នុងគ្រួសារ ចេះតែកើតមានឡើង ក្នុងភូមិសាស្ត្រ ដែលទំនងផ្តើមចេញ ពីល្បែងស៊ីសងខុសច្បាប់ នេះហើយមើលទៅ។
ប្រជាពលរដ្ឋ រស់នៅ ក្នុងភូមិទំពាំងបង្កង់ ឃុំអំពិលតាពក បានរាយការណ៏ឲ្យដឹងថា ជារៀងរាល់ថ្ងៃ ចាប់ពីម៉ោង១១ព្រឹក តែងមានអ្នកជល់មាន់ លេងភ្នាល់ល្បែង បៀរ អាប៉ោង ជិះម៉ូតូ និងរថយន្តទំនេីបៗ រាប់សិបគ្រឿង មកពីគ្រប់ទិសទី ចូលមកលេងល្បែង យ៉ាងពពាក់ពពូន ។
ក្រុមអ្នកញៀនល្បែង សម្រុកចូលទៅលេង ក្នុងសង្វៀនជល់មាន់ ដែលមានមេការ ម្នាក់ឈ្មោះ លោក ណាក់ ជាអ្នកទទួលខុសត្រូវ រត់ការបែងចែក ផលប្រយោជន៏ ទៅឲ្យគ្រប់សមត្ថកិច្ចន ពាក់ព័ន្ធបានអ្វីៗ ដំណេីរការ រលូន។
សេក្តីរាយការណ៏បន្តថា សង្វៀនជល់មាន់របស់ លោក ណាក់ ក្នុងភូមិទំពាំងបង្កង់នេះ បានបើកលេង ជាយូរខែមកហើយ
យូរៗ ឃើញមាន មន្ត្រីនគរបាល ស្រុកអូររាំងឪ ចុះទៅបង្ក្រាបម្តងម្កាលដែរ ។
ដោយចាប់បានត្រឹមតែ របស់ របរកំប៉ិកកំប៉ុក ដូចជាកៅអីជ័រ តង់តែប៉ុណ្ណោះ ដែលសកម្មភាពបង្ក្រាប បែបនេះ ពីសំណាក់មន្ត្រីនគរបាល មិនខុស ពីពាក្យចាស់លោកថា “ខ្មោចស្រុកឲ្យដៃ ទើបខ្មោចព្រៃដឹងមុន” និយាយរួមគឺដូចសម្តែងល្ខោនឲ្យតែល្អមើលតែប៉ុណ្ណោះ។
ជាក់ស្តែង ក្រោយបង្ក្រាប បានមួយរយៈពេលខ្លី ម្ចាស់សង្វៀនជល់មាន់ ឈ្មោះលោក ណាក់ នូវ តែអាចគៀងគរ មនុស្សគ្រប់ប្រភេទ ឲ្យចូលមកលេងល្បែង ភ្នាល់ខុសច្បាប់ យ៉ាងគគ្រឹកគ្រេងក្នុង ទីតាំងរបស់ខ្លួនដដែល។
ប្រជាពលរដ្ឋ រស់នៅក្នង ឃុំអំពិលតាពក លើកឡើងថា ចាប់ពីជំងឺcovid-19ផ្ទុះឡើង សេដ្ឋកិច្ចរបស់ពួកគាត់ធ្លាក់ចុះ ចំណូលពីរបរកសិកម្ម ក្នុងគ្រួសារក៏ថយចុះ ពលរដ្ឋបាត់បង់ការងារធ្វើក៏ច្រើន ឯអំពើចោរកម្ម និងអំពើហិង្សាក្នុងគ្រួសារចេះតែកើនឡើង ដោយសារ តែវង់ល្បែងនេះជាដើមចម ធ្វើឲ្យគ្រួសារខ្លះជំពាក់គេវ័ន្តករ គ្រួសារខ្លះត្រូវបែកបាក់ព្រាត់ប្រាស់ និរាសគ្នាក៏មាន។
ពលរដ្ឋ រស់នៅក្នុង ឃុអំពិលតាពក បានសំណូមពរដល់ លោក ជាម ច័ន្ទសោភ័ណ្ឌ អភិបាលខេត្តត្បូងឃ្មុំ នឹងលោក ប៉ែន រ័ត្ន ស្នងការដ្ឋាននគរបាល ខេត្តត្បូងឃ្មុំ ជាពិសេស នាយឧត្តមសេនីយ៍ នេត សាវឿន អគ្គស្នងការនគរបាលជាតិ ជួយពិនិត្យលើសកម្មភាពព្រងើយកន្តើយ ក្នុងការអនុវត្តន៍ច្បាប់ របស់លោក លឿង រដ្ឋា អធិការស្រុកអូររាំឪផង ដើម្បីលើក កម្ពាស់ ដល់គោលនយោបាយ ភូមិឃុំមានសុវត្ថិភាព របស់រាជរដ្ឋាភិបាលកម្ពុជា។
