ប្រភព ពីក្រុមឈ្មួញឈើ មួយចំនួនបានឃើញ សកម្មភាពដឹកជញ្ជូនឈើ នៅតែបន្តយ៉ាងគគ្រឹកគគ្រេង មកតាមច្រកតោល កាត់មុខស្នាក់ការបរិស្ថាន ដែលមានលោកសំ សាង ជាមេស្នាក់ការ បើកដៃអោយក្រុមឈ្មួញដឹកឈើដោយរលូន ជារៀងរាល់យប់ថ្ងៃ។
ចំណែកលោកសំ សាង ដែលជាមេស្នាក់ការរងចាំទទួលតែលុយមិនខ្វល់នឹងការបង្ក្រាបឡើយ ស្ថិតនៅក្នុង ឃុំមានរិទ្ធ ស្រុកសណ្ដាន់ ខេត្តកំពង់ធំ ម្ចាស់គោយន្តកន្ត្រៃដែលដឹកចេញតាមច្រកតោលនេះត្រូវបានគេស្គាល់ពីរនាក់ប្តីប្រពន្ធដែលមានឈ្មោះ ហុន(ជាប្តី) និងប្រពន្ធឈ្មោះសំ ផា ជាមេឈ្មួញបំផ្លាញផលអនុផលព្រៃឈើជាច្រើនឆ្នាំមកហើយ។
ពាក់ព័ន្ធនិងឈ្មួញឧក្រិដ្ធជនបំផ្លាញព្រៃឈើពីរនាក់ប្តីប្រពន្ធនេះតើលោក តុប ក្កដា ប្រធានមន្ទីរបរិស្ថានខេត្តកំពង់ធំ នឹងជំនាញសមត្ថកិច្ចពាក់ព័ន្ធក្នុងខេត្ត បានដឹងដែលដែរទេ ឬមួយលោកដឹងហើយ តែបែរធ្វើមិនដឹងទៅវិញ ឬមួយក៏លោកទុកអោយជនទាំងពីរនាក់ប្តីប្រពន្ធនេះបំផ្លាញព្រៃឡង់អោយវិនាសហិនហោចអស់ អាចថ្ងៃអនាគត់រងផលប៉ះពាល់ជំរកសត្វព្រៃ ថែមទៀតផង។
ប្រជាពលរដ្ឋ រស់នៅ ខេត្តកំពង់ធំ សណូមពរដល់ឯកឧត្តមរដ្ឋមន្ត្រី ក្រសួងបរិស្ថានឯកឧត្តមសាយ សំអាល់ គួរពិនិត្យមើលលោកសំ សាង ដែលជាមេស្នាក់ការច្រកតោលបណ្តោយមេឈ្មួញ ប្តី ប្រព័ន្ធដឹកឈើតាមអំពើចិត្ត ក្នុងឃុំមានរិទ្ធ ស្រុកសណ្តាន់។
