ក្រចេះ ÷ សេចក្តីរាយការណ៍ ពីក្រុមឈ្មួញនិងអាជីវករដឹកជញ្ជូនទំនិញ ដឹកជញ្ជូនកសិផល ឆ្លងកាត់ស្ថានីយ៍ជញ្ជីងថ្លឹងរថយន្តមានជ័យ ផ្លូវជាតិលេខ៧ ឃុំស្រែចារ ស្រុកស្នួល បានឲ្យដឹង ថា ទោះបីពួកគេផ្ទុកមិនលើសទម្ងន់ ក៏ត្រូវបង់លុយតាមការកំណត់របស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ មិនអាចតវ៉ាបានឡើយ។
ទន្ទឹមនឹងនេះឈ្មួញប្រើប្រាស់រថយន្តធុនធំផ្ទុកលើសទម្ងន់អាចបើកវាង ស្ថានីយ៍ជញ្ជីងរថយន្តមានជ័យ យ៉ាងសុខស្រួលឲ្យតែបង់លុយតាមការកំ ណត់របស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ និងបក្ខពួក។
ទង្វើមិនប្រក្រតីរបស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ ត្រូវបានលាតត្រដាងជាបន្តបន្ទាប់រួចមកហើយ ប៉ុន្តែលោក ស៊ុន ចាន់ថុល រដ្ឋមន្ត្រីក្រសួងសាធារណះការនឹងដឹកជញ្ជូន ក៏ដូចជាលោក សេង ឈួន មេជញ្ជីងថ្លឹងរថយន្តទូទាំងប្រទេស បែរជាបណ្តោយឲ្យលោក នូ សុវណ្ណា នឹងបក្ខពួកធ្វើអ្វីៗតាមអំពើចិត្ត។
តាមការបង្ហើបពីមន្ត្រីរាជការក្នុងមន្ទីរសាធារណះការនិងដឹកជញ្ជូនខេត្តក្រចេះ បានឲ្យដឹងថា បច្ចុប្បន្នលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ ផ្លូវជាតិលេខ៧ ភូមិមានជ័យ ឃុំស្រែចារ ស្រុកស្នួល ខេត្តក្រចេះ នៅតែប្រព្រឹត្តអំពើពុករលួយយ៉ាងសុខស្រួលដដែល។
ប្រភពបានឲ្យដឹងទៀតថា បើគ្មានការបើកដៃពីសំណាក់លោក សាំង ប៊ុនថេន ប្រធានមន្ទីរសាធារណះការនិងដឹកជញ្ជូនខេត្តក្រចេះ ទេនោះគឺលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ មិនអាចធ្វើអ្វីៗតាមអំពើចិត្តឡើយ។
លើសនេះទៅទៀតបច្ចុប្បន្នលោក ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន ក៏ដូចជាលោក សេង ឈួន មេជញ្ជីងថ្លឹងរថយន្តទូទាំងប្រទេសមិនទាន់ចាត់វិធានការទប់ស្កាត់រឿងអាស្រូវរបស់លោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ នៅឡើយទេ។
តាមការបង្ហើបពីក្រុមឈ្មួញនិងអាជីវករដឹកជញ្ជូនទំនិញ ដឹកជញ្ជូនកសិផលឆ្លងកាត់ផ្លូវជាតិលេខ៧ ស្រុកស្នួល ខេត្តក្រចេះ បានឲ្យដឹងថា ក្រោយពេលលោក នូ សុវណ្ណា ទទួលបានតំណែងជាប្រធានស្ថានីយ៍ជញ្ជីងថ្លឹងរថយន្តមានជ័យ ជំនួសលោក អ៊ុយ ហឿន រួចមកគឺលោក នូ សុវណ្ណា ប្រព្រឹត្តអំពើពុករលួយខ្លាំងក្លាជាងលោក អ៊ុយ ហឿន ទៅទៀត។
ប្រភពស្និទ្ធនឹងលោក នូ សុវណ្ណា បានឲ្យដឹងថា ទាល់តែមានការបើកដៃពីសំណាក់លោក សាំង ប៊ុនថេន ប្រធានមន្ទីរសាធារណការនិងដឹកជញ្ជូនខេត្តក្រចេះ ទើបលោក នូ សុវណ្ណា មិនញញើតក្នុងការប្រព្រឹត្តអំពើពុករលួយពេញទំហឹង។
ដូច្នេះលោក ស៊ុន ចាន់ថុល រដ្ឋមន្ត្រីក្រសួងសាធារណះការនិងដឹកជញ្ជូន ក៏ដូចជាលោក សេង ឈួន ប្រធានស្ថានីយ៍ជញ្ជីងថ្លឹងរថយន្តទូទាំងប្រទេស មិនគួរបណ្តោយឲ្យលោក នូ សុវណ្ណា ប្រធានស្ថានីយ៍ជញ្ជីងថ្លឹងរថយន្តមានជ័យ សាងភាពល្បីល្បាញនោះទេ។
