កំពង់ចាម ÷ ប្រភពពីបងប្អូនពលរដ្ឋ រស់នៅជិតចំណុចផ្លូវចូលស្ពានទី២៣ ចូលទៅក្នុងប្រហែល១គីម៉ែត្រ កន្លែងទំនប់ស្រង៉ែ ភូមិគោហ៊េជើង ឃុំព្រៃគុយ ស្រុកកងមាស ខេត្តកំពង់ចាម ពួកគាត់ឃើញក្រុមញៀនល្បែងកំពុងលេង យ៉ាងពពាក់ពូន មិនខ្លាចឆ្លងរីករាលដាល ជំងឺកូវីដ ១៩ សោះឡេីយ។
បែរជាម្ចាស់សង្វៀនប្រជល់មាន់ មកលេងល្បែងស៊ីសងខុសច្បាប់ ដូចជា មាន់ជល់ បៀរ អាប៉ោង ស្រែកហ៊ោកញ្ជ្រៀវ ត្រហឹងអឹងកង រំខាន់ដល់ពលរដ្ឋ ក្នុងមូលដ្ឋាន អ្នកខ្លះចាញ់លុយរាប់លាន រៀល រាប់ពាន់ដុល្លា លក់ឡាន លក់ម៉ូតូ បញ្ចាំប្លង់ដី ថែមទៀតផង រីឯសមត្ថកិច្ចពាក់ព័ន្ធ ក្នុងខេត្តរក្សាភាពស្ងៀមស្ងាត់ ទុក្ខអោយម្ចាស់បនល្បែងលេងតាមអំពើចិត្ត។
បេីតាមប្រភព ពីពលរដ្ឋក្នុង ភូមិគោហ៊េជើងបន្តទៀតថា ទល់តែមានការបើកដៃពីសំណាក់លោកជា ជួន អធិការដ្ឋាននគរបាលស្រុកកងមាស អាជ្ញាធរមានសមត្ថកិច្ច ទេីបអ្វីៗដំណើរការទៅបាន ហេីយពួកគាត់មិនសប្បាយចិត្តកាលណា មានល្បែងស៊ីសងក្នុងមូលដ្ឋាន ភ័យខ្លាចកេីត ចោលកម្ម ដូចជា ចោរលួច ឆក់ ប្លន់ ជាដេីម នឹងគ្រឿងញៀន រីករាលដាលគូរអោយកត់សម្គាល់ នឹងឈានដល់ប្រេីអំពេីហឹង្សាលេីគ្រូសារថែមទៀតព្រោះដោយសារចាញ់ល្បែង។
ថ្មីៗនេះមានភ្ញៀវចូលលេងជាច្រើន ដោយ ម្ចាស់សង្វៀនជល់មាន់មានគ្នា៣ទៅ៤នាក់ តែស្គាល់ឈ្មោះ ធារ៉ា ម្នាក់ហើយប្រភពបាន អះអាងថា គ្មាននាក់ណាហ៊ានចាប់នោះទេ! លោកបានចំណាយប្រាក់កាសជាច្រើនបង់ឲ្យថ្នាក់លើ ក៏ដូចជាមន្ត្រីសមត្ថកិច្ចទូទាំងខេត្តកំពង់ចាម ដើម្បីបើកលេងល្បែងទាំងនេះជារៀងរាល់ថ្ងៃ បានសូមបងប្អូនជាភ្ញៀវកុំខ្លាចឱ្យសោះ ។
ស្របពេល រាជរដ្ឋាភិបាលកម្ពុជា បានប្រកាស នៅថ្ងៃទី៣០ ខែសីហា ឆ្នាំ២០១៩ នេះបានចេញបទបញ្ជាឲ្យបញ្ឈប់អាជីវកម្ម ល្បែងភ្នាល់ ស៊ីសងគ្រប់ប្រភេទ ក៏ដូចជាសង្វៀនជល់មាន់តាមទូរទស្សន៍អនឡាញ ទូហ្គេមបាញ់ត្រីនិងអ៊ិនធើណេត ឲ្យអស់ត្រឹមបំណាច់ឆ្នាំ២០១៩។
ជាក់ស្តែងសង្វៀន ប្រជល់មួយចំនួននៅរាជធានីភ្នំពេញ និងតាមបណ្តាលខេត្តនាៗ បានបិទសេវាកម្មទាំងនេះ ដោយស្របតាមគោលការណ៍ រាជរដ្ឋាភិបាល ប៉ុន្តែហេតុអ្វីបានជាទីតាំងខាងលើនេះ នៅតែបន្តបើកលេងយ៉ាងគឃ្លើន ប្រឆាំងនឹងច្បាប់ប្រមុខថ្នាក់ដឹកនាំយ៉ាងនេះ។
ប្រជាពលរដ្ឋ សំណូមពរដល់ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឧត្តមសេនីយ៍ទោ លោកឯម កុសល ស្នងការដ្ឋាននគរបាលខេត្តកំពង់ចាម សូមមេត្តា ចាត់វិធានការណ៍បង្ក្រាបទៅលើទីតាំងសង្វៀនជល់មាន់ មួយកន្លែងនេះផងទាន ៕
