ឧត្ដរមានជ័យ៖ មេឈ្មួញដុះស្លែឈ្មោះចែ ញ៉ាញ់បានធ្វើសកម្មភាពដឹកជញ្ជូនសិប្បកម្មកែឆ្នៃ តុ ទូ បង្អួច ទ្វារ អត់ច្បាប់ យ៉ាងអនាធិបតេយ្យ.! ជារាងរាល់យប់ ចេញពីខេត្តព្រះវិហារ ឆ្លងកាត់ ស្រុកត្រពាំងប្រាសាទ ស្រុកអន្លង់វែង នឹងស្រុកបន្ទាយអំពិល ខេត្តឧត្ដរមានជ័យ ឆ្ពោះទៅ ខេត្តបន្ទាយជ័យយ៉ាងរលូន ក្រោមការបើកភ្លើងខៀវ ពីសំណាក់ មន្ត្រីអាជ្ញាធរមានសមត្ថកិច្ច៣ស្រុកនឹងនាយសង្កាត់រដ្ឋបាលព្រៃឈើ៣រូប។
បើយោងតាមប្រភពៈពីមន្ត្រីសមត្ថកិច្ចម្នាក់មិនបញ្ចេញឈ្មោះ បានអោយដឹងថា នៅយប់ថ្ងៃទី ៣០ ខែ ធ្នូ ឆ្នាំ២០២០នេះ មេឈ្មួញដុះស្លែវ័យក្មេងឈ្មោះចែញ៉ាញ់បានធ្វើការដឹកជញ្ជូន សិប្បកម្មអត់ច្បាប់ ទៅយ៉ាងរលូនដោយសារតែមានខ្នងបង្អែកសុទ្ធតែមន្ត្រីសង្កាត់រដ្ឋបាលព្រៃឈើនឹងមន្ត្រីប៉េអឹមខេត្ត។
ប្រភពៈដដែលបានបន្តថា មេឈ្មួញឈ្មោះចែ ញ៉ាញ់ អាចរកស៊ីដឹកជញ្ជូនមុខរបអត់ច្បាប់បានក៍ព្រោះតែមានការត្រូវ រ៉ូវ ត្រូវដងត្រូវផ្លែជាមួយមន្ត្រីជំនាញគ្រប់ផ្នែក ជាពិសេសមានប្ដី ជាមន្ត្រីប៉េអឹមទៀតផង រួមផ្សំការបើកដៃពីលោក នាយសង្កាត់រដ្ឋបាលព្រៃឈើបីស្រុក គឺ៖
ទី១/លោក ជៀល សុផល នាយសង្កាត់រដ្ឋបាលព្រៃឈ្រើស្រុកត្រពាំងប្រាសាទជាអ្នកអនុញ្ញាអោយក្រុមឈ្មួញដឹកឈើ ដឹកសិប្បកម្មអត់ច្បាប់ឆ្លងកាត់រាល់យប់ មិនតែប៉ុណ្ណោះលោកនាយសង្កាត់ព្រៃឈើរូបនេះតែងតែដាក់កូនចៅអោយអង្គុយចាំយកលុយមុខទីស្នាក់ការរបស់ខ្លួន២៤ម៉ោង នឹងជាអ្នកមើលការខុសត្រូវអោយរោងសិប្បកម្មកែឆ្នៃស្រុកត្រពាំងប្រាសាទទៀតផង។
ទី២/លោក គង់ សារ៉េត នាយសង្កាត់រដ្ឋបាលព្រៃឈើ ស្រុកអន្លង់វែង ក៍មិនចាញ់គ្នាប៉ុន្មាននឹងលោក នាយសង្កាត់ស្រុកត្រពាំងប្រាសាទដែរ ដោយល្បីថា លោក គង់សារ៉េត បានដាក់កូនចៅម្នាក់ ឈ្មោះវ៉ាន់ នាត អោយដើរយកលុយពីក្រុមរកស៊ីបទល្មើសឈើខុសច្បាប់ សិប្បកម្មអត់ច្បាប់ នឹងតាមរោងសិប្បកម្មកែឆ្នៃផងដែរ។
ទី៣/ លោក នាយសង្កាត់រដ្ឋបាលព្រៃឈើស្រុកបន្ទាយអំពិល បាន ប្រគល់អោយ លោក ឆាយ ដួង វិបុល ជានាយរងសង្កាត់នឹងឈ្មោះ ដា អោយដើរប្រមូលលុយពីបទល្មើសឈើខុសច្បាប់ទៅវិញ។
ទោះជាមានអង្គភាពសារព័ត៌មានក្នុងស្រុកផ្សព្វផ្សាយយ៉ាងណាចំពោះភាពមិនប្រក្រតីរបស់មន្ត្រីរដ្ឋបាលព្រៃឈើ ក៏លោក អ៊ឹម សៅវរិទ្ធនាយខណ្ឌរដ្ឋបាលព្រៃឈើខេត្តឧត្ដរមានជ័យ ធ្វើមិនដឹងមិនឮ នឹងមិនមានវិធានការទប់ស្កាត់បង្ក្រាបឡេីយ។
ប្រជាពលរដ្ឋ ដែលរស់នៅក្នុងខេត្ត នឹងសកម្មជនព្រៃឈើ នឹងអង្គការក្រៅរដ្ឋាភិបាលទទូចសណូមទៅដល់ នាយឧត្តមសេនីយ៏សៅ សុខា មេកងរាជអាវុធហត្ថលេីផ្ទៃ នឹងជាគណះកម្មាធិការថ្នាក់ជាតិ ទប់ស្កាត់ធនធានធម្មជាតិ មេត្តាបញ្ជាទៅ មេបេអឹមខេត្តឧត្តរមានជ័យមានវិធានការចុះបង្ក្រាបមេឈ្មួញ ឈ្មោះញ៉ាញ់នោះផង បេីមិនបង្ក្រាបនោះទេ ថ្ងៃអនាគត់អាចប៉ះពាល់ដល់ជំរកសត្វព្រៃ នឹងមនុស្សគ្រប់រូបមិនអាចខ្វះបាន៕
