ក្រចេះ ÷ ប្រជាពលរដ្ឋ ក៏ដូចជាអង្គការក្រៅរដ្ឋាភិបាល នឹងសកម្មជនព្រៃឈើ បានលើកឡើងថា នៅក្នុងស្រុកសំបូរ អាជ្ញាធរមូលដ្ឋាន សមត្ថកិច្ចជំនាញ នឹងមន្ដ្រីបរិស្ថាន សង្កាត់រដ្ឋបាលព្រៃឈើ ស្រុកសំបូរ ខេត្តក្រចេះ អសមត្ថភាពក្នុងការទប់ស្កាត់បង្ក្រាបបទល្មើសព្រៃឈើ កំពុងកើតឡើង គគ្រឹកគគ្រេង យ៉ាងអណាធិបតេយ្យ ។
ក្នុងដែនសមត្ថកិច្ច របស់ខ្លួនបណ្តែតបណ្តោយ ឲ្យក្រុមឈ្មួញដឹក ជញ្ជូនអនុផលព្រៃឈើយ៉ាងគគ្លើន មិនញញើតច្បាប់អ្វីបន្តិចសោះ ឬមួយសម្ថកិច្ចនឹងមេព្រៃក្នុងខេត្ត ជាអ្នកបើកភ្លើងខៀវទេដឹង បានជារក្សាភាពស្ងៀមស្ងាត់ ឬមួយត្រូវថ្នាំសណ្តំពីក្រុមឈ្មួញនោះហើយ បានជាមិនមានវិធានការណ៏ ចុះបង្ក្រាបបទល្មើសព្រៃឈើ មូលហេតុអ្វី.?។
ដោយឡែក លោកអភិបាលខេត្តក្រចេះ នឹងលោកសានប៊ុន ថាន មេប៉េអឹម កងរាជអាវុធហត្ថខេត្តក្រចេះ ធ្វើមិនដឹងមិនឬអ្វីទាំងអស់ ទុក្ខអោយក្រុមឈ្មួញដឹកឈើប្រណិតយកមក រក្សានៅផ្ទះរបស់ខ្លួនរងចាំមេឈ្មួញធំៗមកទិញបន្តឆ្លងដែនយកទៅលក់ប្រទេសវៀតណាម បានយ៉ាងរំភើយ។
ទោះបីប្រមុខរដ្ឋាភិបាលកម្ពុជាបានដាក់បទបញ្ជាទៅ នាយឧត្តមសេនីយ៍ សៅ សុខា មេប៉េអឹមកងរាជ អាវុធហត្ថ លើផ្ទៃប្រទេស នឹងជាគណះកម្មាធិការ ថ្នាក់ជាតិទប់ស្កាត់ធនធានធម្មជាតិ អោយខាន់តែបាន ប៉ុន្តែក្រុមឈ្មួញធំៗទាំងនោះនៅតែផ្គើនដឹកបទល្មើសព្រៃឈើ មិនស្តាប់ការណែនាំរបស់ប្រមុខរដ្ឋាភិបាលសោះឡើយ ៕
