តាកែវ៖ តាមប្រភពព័ត៌មានពីប្រជាពលរដ្ឋ បានរាយការណ៍អោយដឹងថា នៅថ្ងៃទី២៣ ខែធ្នូ ឆ្នាំ២០២០ នេះ ឈ្មោះ ហេងដែលកំពង់បើកល្បែងសុីសងខុសច្បាប់ ដូចជា សង្វៀនជល់មាន់ បៀរ អាប៉ោង របស់ លោកតាប៊ុន នឹង ឈ្មោះ ហេង កំពុងបេីកលេងយ៉ាងរលូននៅស្រុកព្រៃកប្បាស គ្មានសមត្ថកិច្ចណាមួយ ឬអាធរទប់ស្កាត់ សោះឡេីយ ។
ដោយឡែកសមត្ថកិច្ច ស្រុកព្រៃកប្បាសហាក់បីដូចគ្មានចំណាត់ការ ដល់ម្ចាស់បេីកលេងល្បែង ឈ្មោះតាប៊ុននឹង ឈ្មោះហេង នៅពុំទាន់ឃើញមានវិធានការចុះបង្ក្រាបទេ ទុក្ខអោយម្ចាស់ ទីតាំងនឹង ពួកញៀនល្បែងលេង ប្តូរកន្លែងគ្រប់ច្រកល្ហកដេីម្បីបំភ័ន្តអ្នកសារព័ត៌មាន។
ពលរដ្ឋ រស់នៅជិតទីតាំង សង្វៀនប្រជល់មាន់ បានអះអាងថា សព្វថ្ងៃនេះតាប៊ុន នឹងឈ្មោះហេង បង្កប់ល្បែងសុីសង បៀរ អាប៉ោង បើកលេងចល័តក្នុង ស្រុកព្រៃកប្បាស ជួនកាល លេងនៅជិតវត្តចារ ឃុំចារ ឬ នៅភូមិអាការឈូក ឃុំស្នោរ ពេលខ្លះមកលេង នៅភូមិកាចិល ឃុំកំពង់លាវ ឬ ឃុំបាអង្កាម នឹង ឃុំផ្សារជ្រៃ គ្មានរំខាន់ ដល់សមត្ថកិច្ចពាក់ព័ន្ធក្នុងខេត្ត នឹងអាជ្ញាធរសោះ ឬមួយទទួលបានលាភសក្ការៈហេីយមេីលទៅ។
ទន្ទឹមនឹងការបើកអោយមានលេងល្បែងស៊ីសងយ៉ាងគគ្រឹកគគ្រេង នេះ ប្រជាពលរដ្ឋមានការព្រួយបារម្ភនិងភ័យខ្លាចយ៉ាងខ្លាំង ដោយកន្លងមកក៏ដូចជាបច្ចុប្បន្ននេះ តែងតែមានអំពើចោរកម្មលួចទូកម៉ាស៊ីន កាណូត លួចកាច់ករ យកម៉ូតូនិងគាស់ផ្ទះយកទ្រព្យសម្បត្តិរបស់ពួកគាត់ជាហូរហែរ ព្រមទាំងកើតអំពើហិង្សា ក្នុងគ្រួសារ ពេលខ្លះទៀត មានការវាយតប់កាប់ចាក់គ្នាក្នុងវង់ល្បែងនោះ តែម្តង ។
ប្រជាពលរដ្ឋ រស់នៅក្នុងមូលដ្ឋានបានសំណូមពរ អោយលោក ញ៉ែម ស្រស់ អភិបាលស្រុកព្រៃកប្បាស ក្នុងនាមជាប្រធានគណៈបញ្ជាការឯកភាព ព្រមទាំងលោក ឡេង ប៊ុនឡុង អធិការដ្ឋាននគរបាលស្រុកព្រៃកប្បាស មេត្តាមានវិធានការបង្ក្រាបផង ដើម្បីសេចក្តីសុខ ជួនបងប្អូនប្រជាពលរដ្ឋក្នុងមូលដ្ឋាន នឹង មិនអោយការប្រមូលផ្តុំគ្នាច្រើន ក្នុងអន្តរកាល នៃការទប់ស្កាត់ រីករាលដាលជំងឺកូវីដ-១៩ ផងដែរ ៕
