រតនគីរី៖ បើតាមប្រភពពីពលរដ្ឋរស់នៅ ភូមិភ្នំធំ ឃុំយក្សឡោម ក្រុងបានលុងនៅចំណុចភ្នំយោល
នឹងនៅផ្ទះឈ្មោះ តេប វណ្ណា (ហៅអូនធំ)នៅភូមិបឹងកន្សែង ឃុំឡាបានសៀក ក្រុងបានលុង ខេត្តរតនគីរី កំពុងបើកលេងយ៉ាងរំភើយ ដោយគ្មានការរំខាន នឹងខ្លាចរអាចំពោះអាជ្ញធរ ឬ សមត្ថកិច្ចពាក់ព័ន្ធ ណាម្នាក់ឡើយ។
បច្ចុប្បន្នជំងឺកូវីដ ១៩កំពុងតែផ្ទុះឆ្លងតាមសហគមន៍ នឹងរីករាលដាលយ៉ាងខ្លាំង.! បែរម្ចាស់សង្វៀនប្រជល់មាន់ នឹងក្រុមអ្នកញៀនល្បែង បើកលេងតាមអំពើចិត្ត ។
ដោយឡែកក្រុមអ្នកលេងល្បែងបានប្រាប់ឲ្យដឹងទៀតថា .! ទីតាំងបើកលេងល្បែងស៊ីសងខាងលើនេះ ដុះស្លែ ទៅហេីយ ដែលគេស្គាល់ម្ចាស់ជាភាគហ៊ុន ឈ្មោះ ពិន តន នឹងម្ចាស់ផ្ទះមានឈ្មោះ តេប វណ្ណា (ហៅអូនធំ)បើកលេងអស់រយៈពេលរាប់ខែមកហើយ។
រហូតបច្ចុប្បន្ននេះ គឺនៅដំណើរការលេងជាធម្មតា ហើយក៏មានក្រុមអ្នកញៀនល្បែង ចូលទៅលេងជាច្រើនកុះករ នឹងមានការចាក់ភ្នាល់ជាលុយ ក្នុងមួយគូរ រាប់ពាន់ ដុល្លា រាប់ម៉ឺនដុល្លាឯណ្ណោះ។
បច្ចុប្បន្ន ប្រភពពីប្រជាពលរដ្ឋ ដែលរស់នៅក្បែរទីតាំងនោះ បានលួចបង្ហើបឲ្យដឹងថា ក្រុមអ្នកញៀនល្បែងតែងតែចេញចូលទៅលេង ថែមទាំងហ៊ោរកញ្ជៀវ បង្កសម្លេងលឺខ្លាំង ៗ។
បញ្ជាក់ឲ្យឃើញថា បង្កឲ្យមានភាពអសន្តិសុខ ក្នុងមូលដ្ឋាន តែមិនដែលឃើញអាជ្ញាធរមានសមត្ថកិច្ចណា ហ៊ានចុះបង្ក្រាបរក្សាភាពស្ងៀមស្ងាត់ម្លេះ។
ប្រជាពលរដ្ឋដាក់ការសង្ស័យថា ប្រហែលជាត្រូវថ្នាំសណ្ដំ ម្ចាស់បនល្បែងនោះហើយមើលទៅ ទើបមិនហ៊ានបង្ក្រាប ពលរដ្ឋក្នុងមូលដ្ឋាន កំពុងព្រួយបារម្មណ៍ ចំពោះទ្រព្យសម្បត្តិ សុខសុវត្ថិភាព របស់ពួកគាត់។
ជាមួយគ្នានោះ ប្រជាពលរដ្ឋបានស្នើរសុំដល់លោកអភិបាលក្រុងបានលុង នឹងលោកអធិការ ជាពិសេសលោក ស្នងការដ្ឋាននគរបាលខេត្តរតនគីរី មេត្តាជួយចុះទៅពិនិត្យ ឬចាត់វិធានការទៅលើម្ចាស់ សង្វៀនប្រជល់មាន់ មួយនេះផង ដើម្បីកាត់បន្ថយបទល្មើសក្នុងមូលដ្ឋាន ហើយដើម្បីសន្តិសុខ សុវត្ថិភាពជូនពលរដ្ឋ ក៏ដូចជាសង្គមជាតិផងដែរ។
កន្លងមក សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាឲ្យបាននូវភូមិឃុំមានសុវត្ថិភាព ៩ ចំណុចជូនប្រជាពលរដ្ឋ ៕
