ព្រៃវែង ÷ ល្បែងស៊ីសងប្រជល់មាន់ បៀរ អាប៉ោងនឹងយូគី មួយកន្លែងកំពុងជ្រកក្នុងកាស៊ីណូ777បើកដៃអោយជនជាតិខ្មែរចូលលេងបានយ៉ាងរលូន.! ស្ថិតនៅ ឃុំបន្ទាយចក្រី ស្រុកព្រះស្តេច ខេត្តព្រៃវែង អ្នកឈ្នះស្រែកហ៊ោកញ្ជៀវលាន់ដល់ព្រះឥន្ត ហើយមិនដែលប៉ះពាល់ដល់សមត្ថកិច្ច ក្នុងខេត្តព្រៃវែង មានវិធានការចុះបង្ក្រាប ម្តងសោះឡើយ។
បច្ចុប្បន្ន ប្រមុខរដ្ឋាភិបាលកម្ពុជា កំពុងមាញឹកបុណ្យពិធីអំទូក បណ្តែតប្រទីប នឹងជួយប្រជាពលរដ្ឋ ជួបគ្រោះជំនន់ភ្លៀង នឹងអោយផ្អាកជួបជុំគ្នាមួយរយះ ដេីម្បីទប់ស្កាត់ ជំងឺ កូវីដ១៩ បែរជាឈ្មោះធិន នឹងឈ្មោះខ្មៅ បើកលេងល្បែងប្រជល់មាន់ អាប៉ោង ផ្គើនអនុសាស្ត្រសម្តេចតេជោ ហ៊ុន សែន ទៅវិញ .! ឬមួយមានការបើកភ្លើងខៀវ.! ពីសំណាក់ សមត្ថកិច្ចក្នុងខេត្តព្រៃវែង ហើយមើលទៅ ផ្ទុយពីការអនុវត្តន៍ច្បាប់ភូមិឃុំមានសុវតិភាព !
ជាក់ស្ដែង ប្រជាពលរដ្ឋខ្មែរ ថាកាស៊ីណូបានបិទមួយរយះ ស្រាប់តែថ្មីៗនេះ ឃើញឈ្មោះធិនបើកលេងវិញ .! ពលរដ្ឋខ្មែរចូលលេងល្បែងប្រជល់មាន់ជាច្រើននាក់ មានទាំងរថយន្ត ទំនើប នឹងម៉ូជាច្រើនគ្រឿង លេងនៅក្នុងកាស៊ីណូហៃរ៉ូ777 បើកលេងជារៀងរាល់ថ្ងៃ.! មិនថាច័ន្ទ ឬសៅរ៍ អាទិត្យ ចូលលេងយ៉ាងគគ្រឹក គគ្រេងតែម្តង។
តាមប្រភព ពីប្រជាពលរដ្ឋ រស់នៅជិតកាស៊ីណូ នឹងពួកញៀនល្បែងលេងនៅទីនោះពួកគាត់បានប្រាប់អោយអង្គភាព(
រស្មីឯករាជ្យ )ដឹងថា មានថ្ងៃពិសេសគេលេងធំៗណាស់ដាក់រាប់ពាន់ដុល្លា រាប់ម៉ឺនដុល្លារ ឯណោះគឺថ្ងៃសុក្រ ដល់ថ្ងៃអាទិត្យ។
កាស៊ីណូនេះដែរគឺមិនដែលមានជនបរទេសនោះទេគឺមានតែពលរដ្ឋខ្មែរចូលលេងល្បែងស៊ីសងខុសច្បាប់ លេងយ៉ាងអនាធិបតេយ្យទៅវិញ វាខុសនឹងច្បាប់បើកកាស៊ីណូ ហើយអាជ្ញាធរមានសមត្ថកិច្ច មិនមានវិធានការបង្ក្រាបទាល់តែសោះ។ កំពុងតែប្រឆាំងបញ្ជារបស់ប្រមុខរាជរដ្ឋាភិបាលដែលបានចេញ ស,ជ,ណ ថែមទៀតផង។
គួររំលឹកថា ស,ជ,ណ ដែលចេញដោយទីស្តីការគណៈរដ្ឋមន្ត្រីអនុញ្ញាតផ្តល់អាជ្ញាប័ណ្ណឲ្យបើកមជ្ឈមណ្ឌលកំសាន្តកាស៊ីណូ រាល់ល្បែងស៊ីសងគឺដាច់ខាត គ្មានសង្វៀនល្បែងភ្នាល់ជល់មាន់ ឬបក្សីកីឡា ម្យ៉ាងទៀតភ្ញៀវខ្មែរ មិនត្រូវបានអនុញ្ញាតឲ្យចូលលេងល្បែងកាស៊ីណូនោះឡើយ។
ប្រជាពលរដ្ឋ រស់នៅជិតកាស៊ីណូហៃរ៉ូ777 ឃុំបន្ទាយចក្រី ស្រុកព្រះស្តេច ខេត្តព្រៃវែង
សណូមពរ ដល់លោក ជាសុ មេធី អភិបាលខេត្តព្រៃវែង នឹងលោកព្រំុ សន្ធស្នងការដ្ឋាននគរបាលខេត្តព្រៃវែង មេត្តាមានវិធានការក្តៅចំពោះ ដល់មន្ត្រីក្រោមឱវាទចុះជួយត្រួតពិនិត្យផងទាន.!
