តាកែវ ៖ ប្រជាពលរដ្ឋដែលរស់នៅជិតទួលស្តេចគង់ បានរាយការណ៍អោយ( រស្មីឯករាជ្យ )ដឹងថា ពួកញៀនល្បែងស៊ីសងខុសច្បាប់ កំពុងកើតឡើងយ៉ាងពេញបន្ទុក មានដូចជា ប្រជល់មាន់ អាប៉ោង វង់បៀរ លេងយ៉ាងអាណាធិបតេយ្យ មន្ត្រីសមត្ថកិច្ចពាក់ពន្ធហាក់បីដូចជាមើលមិនឃើញស្ថិតនៅ ភូមិរកា ឃុំបាស្រែ ស្រុកអង្គរបូរី ខេត្តតាកែវ។
បើតាមការអះអាងពីប្រជាពលរដ្ឋ រស់នៅក្បែរវង់ល្បែងបានឲ្យថា ម្ចាស់ទីតាំងបេីកសង្វៀនប្រជល់មាន់ មានគ្នាពីរនាក់ ១មានឈ្មោះស្មាញ ២ឈ្មោះនិត នៅទីរួមខេត្តតាកែវ អ្នកបេីកវង់ល្បែងប្រជល់មាន់ អាប៉ោង បៀរលេងយ៉ាងគ្រឹកគគ្រេងដោយមិនញញើញនឹងអាជ្ញាធរថ្នាក់ណានោះឡើយ។
ទោះប្រមុខរដ្ឋាភិបាលកម្ពុជា នឹងក្រសួងសុខាភិបាល បានប្រកាសអោយផ្អាកជួបជុំគ្នាមួយរយះតូច ដើម្បីប្រយុទ្ធ ប្រឆាំង (ជំងឺកូវីដ១៩ )ប៉ុន្តែពួកញៀនល្បែងស៊ីសងទាំងនោះកំពុងប្រព្រឹត្តផ្ទុយ ពីអនុសាស្ត្ររបស់សម្តេចតេជោ ហ៊ុន សែន ទៅវិញ។
ជាក់ស្តែងប្រជាពលរដ្ឋដាក់ការសង្ស័យថា គោលនយោបាយភូមិ ឃុំមានសុវត្ថិភាពទាំង ០៩ ចំនុច ដែលចេញដោយរដ្ឋាភិបាលទៀតផង .! មិនតែប៉ុណ្ណោះក៍អាចបង្ករឲ្យមានអំពើចោរកម្ម ឆក់ ប្លន់ អំពើហិង្សា នៅក្នុងមូលដ្ឋានជាដើម នឹងរីករាលដាលគ្រឿងញៀនគូរអោយកត់សម្គាល់ បែរជាអាជា្ញធរពាក់ពន្ធរក្សាភាពស្ងៀមស្ងាត់។
ប្រជាពលរដ្ឋទទូចសណូមពរ ដល់ឯកឧត្តមអ៊ូច ភា អភិបាល នៃគណះបញ្ជាការឯកភាពខេត្តតាកែវ នឹងលោកស្នងការដ្ឋាននគរបាលខេត្តតាកែវ មេត្តាចាត់វិធានការក្តៅដល់មន្ត្រីក្រោមឱវាទ អោយចុះបង្ក្រាប នឹងមានវិធានការណ៍លើបញ្ហាល្បែងស៊ីសងទាំងនេះផងទាន .! ៕
